မွန်ပြည်နယ်အတွင်း တန်းခိုးကြီး ဘုရားစေတီပုထိုးများစွာတည်ရှိသည့်အနက်မှ သထုံမြို့တွင် တည်ထားကိုးကွယ်တော်မူသော ရွှေစာရံစေတီတော်မြတ်ကြီး ဗုဒ္ဓါဘိသေက အနေကဇာတင်မင်္ဂလာနှင့် လုံးတော်ပြည့် ရွှေသင်္ကန်းကပ်လှူပူဇော်မှုရေစက်ချ တရားတော်နာ မင်္ဂလာအခမ်းအနားကို မတ်လ ၅ ရက်နေ့၊ နံနက်ပိုင်းက သထုံမြို့ သုဝဏ္ဏဘူမိ သာသနာ့ဗိမ္မာန်တော်၌ကျင်းပပြုလုပ်ခဲ့ရာ ဆရာတော်၊ သံဃာတော် အရှင်သူမြတ်များ၊ မွန်ပြည်နယ် ဝန်ကြီးချုပ် ဦးအောင်ကြည်သိန်း၊ ပြည်နယ်ဝန်ကြီးများ၊ အလှူရှင်များတက်ရောက်သည်။
ဦးစွာ ပြည်နယ်ဝန်ကြီးချုပ်မှ ရွှေစာရံစေတီတော်မြတ်ကြီးကို ဖူးမြော်ကြည်ညို၍ ပန်း၊ ဆီမီး၊ ရေချမ်း ကပ်လှူပူဇော်သည်။
ဆက်လက်ပြီး ရွှေစာရံစေတီတော်မြတ်ကြီး၏ ဗုဒ္ဓါဘိသေက အနေကဇာတင်မင်္ဂလာနှင့် လုံးတော်ပြည့် ရွှေသင်္ကန်းကပ်လှူပူဇော်မှုရေစက်ချ တရားတော်နာ မင်္ဂလာအခမ်းအနားကို ကျင်းပပြုလုပ်ရာ အခမ်းအနားကို နမောတဿ သုံးကြိမ်ရွတ်ဆို ဖွင့်လှစ်၍ သထုံမြို့၊ သဒ္ဓမ္မဇောတိကာရာမကျောင်းတိုက် ဦးစီးပဓာနနာယက ဆရာတော် နိုင်ငံတော် ဗဟိုသံဃဝန်ဆောင် ဘဒ္ဒန္တသုမနာဘိဝံသထံမှ ငါးပါးသီလတော်မြတ်အား ခံယူဆောက်တည်ခဲ့ကြပြီး သံဃာတော်အရှင်သူမြတ်များ ရွတ်ပွားသရဇ္ဈာယ်မူသော ပရိတ် တရားတော်များ နာယူကြည်ညို၍ ဆရာတော်အရှင်သူမြတ်များထံ ပြည်နယ်ဝန်ကြီချုပ်နှင့် ပြည်နယ်ဝန်ကြီးတို့မှ လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြသည်။
ထို့နောက် ရွှေစာရံစေတီတော်မြတ်ကြီး လုံးတော်ပြည့် ရွှေသင်္ကန်းကပ်လှူပူဇော်မှုနှင့် လှူဒါန်းမှုအစုစုတို့အတွက် အနုမောဒနာ တရားနာယူ ကြည်ညို၍ ရေစက်သွန်းချ အမျှ ပေးဝေခဲ့ကြကာ အခမ်းအနားကို “ဗုဒ္ဓသာသနံ စိရံတိဋ္ဌတု”သုံးကြိမ်ရွတ်ဆိုဆုတောင်း၍ ရုပ်သိမ်းခဲ့သည်။
အဲဒီနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ အလှူရှင်များက ဆရာတော်၊ သံဃာတော် အရှင်သူမြတ်များကို ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများ လောင်းလှူခဲ့ကြသည်။
အဲဒီကမှတစ်ဆင့် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများသည် ယနေ့နံနက်ပိုင်းက သထုံမြို့နယ်၊ နောင်ကုလားကျေးရွာရှိ ပအိုဝ်းတိုင်းရင်းသား ခန်းမ၌ ကျင်းပပြုလုပ်သည့် (၇၄) နှစ်မြောက် ပအိုဝ်းအမျိုးသားနေ့အခမ်းအနားသို့ တက်ရောက်၍ ဦးစွာ သဘာပတိအဖွဲ့ဝင် တစ်ဦးမှ ကြိုဆိုနှုတ်ခွန်းဆက်စကားပြောကြားခဲ့ကာ ပြည်နယ်ဝန်ကြီးချုပ်က မွန်ပြည်နယ်အနေဖြင့် တိုင်းရင်းသားလူမျိုးများ၏ လူမှုစီးပွားဘဝ ဖွံ့ဖြိုးတိုးတက်ရေးနှင့် ဘာသာစကား၊ စာပေယဉ်ကျေးမှုများ တိုးတက်မြင့်မားရေးတို့အတွက် အစဉ်တစိုက် အထူးအလေးပေး ဆောင်ရွက်လျက်ရှိကြောင်း၊ ပအိုဝ်းတိုင်းရင်းသားများ၏ ဘာသာ၊ သာသနာ ယဉ်ကျေးမှု၊ ဓလေ့ထုံးတမ်းတို့ကို နက်နက်ရှိုင်းရှိုင်းမြတ်နိုးခြင်းသည် ဂုဏ်ယူဖွယ်ရာဖြစ်ခြင်းကြောင့် ယင်းအစဉ်အလာကို မျိုးဆက်သစ်လူငယ်မောင်မယ်များအား လက်ဆင့်ကမ်းအမွေ စနစ်တကျပေးအပ်နိုင်ရေး ဆောင်ရွက်ပေးကြရန် လိုအပ်ပြီး မိမိတို့ ဘာသာစကား၊ စာပေယဉ်ကျေးမှု မြင့်မားရေးအတွက် အားသွန်ခွန်စိုက် ကြိုးပမ်းကြစေလိရန် တိုက်တွန်းလိုပါကြောင်း ၊ ပြည်နယ်၏အကျိုး ပြည်ထောင်စု၏အကျိုးတို့ကို အခြားသော တိုင်းရင်းသားတို့နဲ့အတူ ဝိုင်းဝန်းသယ်ပိုး ဆောင်ရွက်နိုင်ကြပါစေကြောင်း ဆုမွန်ကောင်း တောင်းပါကြောင်းဖြင့် အမှာစကားပြောကြားခဲ့သည်။
ဆက်လက်ပြီး တိုင်းရင်းသားလူမျိုးများရေးရာဝန်ကြီးဌာန ပြည်ထောင်စုဝန်ကြီးထံမှပေးပို့သည့် ၇၄ နှစ်မြောက် ပအိုဝ်းအမျိုးသားနေ့ ဂုဏ်ပြုသဝဏ်လွှာအား ပြည်နယ်တိုင်းရင်သားရေးရာဝန်ကြီးက ဖတ်ကြားကာ နောင်ကုလားကျေးရွာ ဒေသခံတစ်ဦးက ပအိုဝ်းအမျိုးသားနေ့ ကျင်းပရခြင်းနှင့်စပ်လျဉ်း၍ ကျေးဇူးတင်စကား ပြောကြားခဲသည်။
အဲဒီနောက် ပြည်နယ်ကြီးချုပ်က ပအိုဝ်းအမျိုးသားနေ့ကျင်းပနိုင်ရေးအတွက် ထောက်ပံ့သည့် ငွေများ ပေးအပ်ခဲ့ပြီး ပအိုဝ်း ရိုးရာယဉ်ကျေးမှုအဖွဲ့များက တိုင်းရင်းသားရိုးရာယဥ်ကျေးမှု အကအလှများဖြင့် ဖျော်ဖြေတင်ဆက်ခဲ့ကြမှုအပေါ် ကြည့်ရှုအားပေးခဲ့ကြသည်။
၂၀၂၃ ခုနှစ်၊ သာသာနာတော်ဆိုင်ရာ ဘွဲ့တံဆိပ်တော် ဆက်ကပ်လှူဒါန်းပွဲနှင့် ဆွမ်းဆန်စိမ်းလောင်လှူပွဲ အခမ်းအနားကို ယနေ့မွန်းလွဲပိုင်းက မော်လမြိုင်မြို့၊ ပရိယတ္တိဓမ္မဗိမာန်တော်ကြီး၌ ကျင်းပပြုလုပ်ခဲ့ရာ ပြည်နယ်ဝန်ကြီးချုပ်နှင့် ဇနီး၊ ပြည်နယ်ဝန်ကြီးများနှင့် ဧည့်ပရိတ်သတ် များတက်ရောက်၍ ဦးစွာ အခမ်းအနားကို နမောတဿ သုံးကြိမ်ရွတ်ဆို ဖွင့်လှစ်ခဲ့ပြီး ထူးမခြားနား သီးချင်းခံ ဂုဏ်ပြုပူဇော်ခဲ့ကြကာ မုဒုံမြို့နယ်၊ ကွမ်တာကျေးရွာ၊ ဇီနရံသီစာသင်တိုက်ဆရာတော် မဟာဂန္တဝါစက ပဏ္ဍိတ၊ ဘဒ္ဒန္တ နန္ဒနထံမှ ငါးပါးသီလခံယူ ဆောက်တည်ခဲ့ကြသည်။
ဆက်လက်ပြီး ပြည်နယ်ဝန်ကြီးချုပ်က သာသနာရေးဆိုင်ရာကိစ္စရပ်များ လျှောက်ထားခဲ့သည်။
ထို့နောက် ပြည်နယ်ဝန်ကြီးချုပ်နှင့် ပြည်နယ်ဝန်ကြီးများက မဟာဂန္ထဝါစကပဏ္ဍိတ၊ မဟာသဒ္ဓမ္မဇောတိကဓဇ၊ မဟာကမ္မဌာနာစရိယ၊ ဂန္ထဝါစကပဏ္ဍိတ၊ သဒ္ဓမ္မဇောတိကဓဇ၊ ဆရာတော်ကြီး (၁၇) ပါးနှင့် ဂန္ထဝါစကပဏ္ဍိတ ဘွဲ့တံဆိပ်တော်ရ သီလရှင်ဆရာကြီး (၁)ပါးတို့အား သာသာနာတော်ဆိုင်ရာ ဘွဲ့တံဆိပ်တော်များ အသီးသီးဆက်ကပ်ပူဇော်ခဲ့ကြသည်။
အဲဒီနောက် ပြ ည်နယ်ဝန်ကြီးချုပ်နှင့် ပြည်နယ်ဝန်ကြီးများက လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြကာ လှူဒါန်းမှုအစုစုတို့အတွက် အနုမောဒနာ တရားနာယူ ကြည်ညို၍ ရေစက်သွန်းချ အမျှ ပေးဝေခဲ့ကြကာ အခမ်းအနားကို “ဗုဒ္ဓသာသနံ စိရံတိဋ္ဌတု”သုံးကြိမ်ရွတ်ဆိုဆုတောင်း၍ ရုပ်သိမ်းခဲ့သည်။
အဲဒီနောက် ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊